လူမျိုးသုဥ်း/တုံး သတ်ဖြတ်မှု (ခ) ဂျီနိုဆိုက် Genocide (အပိုင်း ၁)

လူမျိုးတုံး/သုဥ်းသတ်ဖြတ်မှုလို့ မြန်မာမှုပြုပြီး သုံးစွဲလေ့ရှိကြတဲ့ ဂျီနိုဆိုက်ဒ်ဟာ ကမ္ဘာ့မှာ အဆိုးဆုံးလို့ သတ်မှတ်ထားတဲ့ နိုင်ငံတကာရာဇဝတ်မှုတွေထဲက အမျိုးအစားတခု ဖြစ်ပါတယ်။ မြန်မာနိုင်ငံမှာလည်း ၂၀၁၇ ရိုဟင်ဂျာ လူမျိုးသုဥ်း/တုံးသတ်ဖြတ်မှုအရေးနဲ့ ၂၀၂၁ စစ်အာဏာသိမ်းမှုတို့ ဖြစ်ပေါ်ပြီးနောက်မှာ အတိုင်းအတာတခုထိ ကမ္ဘာက သတိထားမိလာခဲ့ပါတယ်။ ဒါပေမယ့် တရားမျှတမှုဖော်ဆောင်ရေးဟာ ခုချိန်ထိ ကြိုးစားနေဆဲ လမ်းခုလတ်မှာသာ ရှိနေဆဲ​ဖြစ်ပါတယ်။ ဒီတပတ်မှာတော့ လူမျိုးသုဥ်းသတ်ဖြတ်မှု (ခ) ဂျီနိုဆိုက်ဒ်ဆိုတဲ့ ခေါင်းစဥ်နဲ့ လူနည်းစုအရေး၊ ဘာသာရေး၊ လူမျိုးရေးပဋိပက္ခအရေးတွေနဲ့ပတ်သက်ပြီး လေ့လာမှုတွေ လုပ်ဆောင်နေသူ သုတေသီတဦးဖြစ်တဲ့ ကိုရဲဟိန်းအောင်ကို အဓိကာရကနေ ဖိတ်ခေါ်ပြီး မေးမြန်းဆွေးနွေးထားပါတယ်။

ဒီအပိုင်းမှာတော့ လူမျိုးဆိုတာကို ဘယ်လိုအဓိပ္ပာယ်ဖွင့်သလဲ၊ မြန်မာနိုင်ငံမှာ ခေါ်နေတဲ့ “တိုင်းရင်းသား”ဆိုတဲ့ ဝေါဟာရက ဘယ်လို သဘောဆောင်သလဲ၊ လူနည်းစုဆိုတာဟာ အရေအတွက်နည်းတဲ့ လူအစုကိုပဲ ရည်ညွှန်းတာလား စသဖြင့် ဒီအကြောင်းအရာတွေကို ကနဦး ဆွေးနွေးထားပါတယ်။