အဓိကာရလူ့အခွင့်အရေးပေါ့ကတ် ပရိသတ်တွေအားလုံး နေကောင်းကြပါရဲ့လား။ ဒီတပတ်မှာတော့ အဓိကာရလူ့အခွင့်အရေးပေါ့ကတ် အတွဲ ၂၊ အပိုင်း ၁၂ ကို ရောက်လာခဲ့ပါပြီ။ ဒီတပတ်မှာ ဆွေးနွေးဖို့ ရွေးချယ်ထားတဲ့ ခေါင်းစဥ်ကတော့ “ကြားကာလ လူငယ်တွေအတွက် ပညာရေး”ပဲ​ ဖြစ်ပါတယ်။ ဒီအကြောင်းအရာတွေကို လာရောက်ဆွေးနွေးပြောကြားသူကတော့ ရန်ကုန်တက္ကသိုလ်ကျောင်းသားများသမဂ္ဂ (ဗကသများအဖွဲ့ချုပ်)က ကိုဟေမာန် ဖြစ်ပါတယ်။ ဒီအကြောင်းအရာဆွေးနွေးထားတဲ့ ပထမပိုင်းမှာတော့ မြန်မာနိုင်ငံသမိုင်းကြောင်းမှာ အာဏာရှင်စနစ်ကို တော်လှန်ခဲ့တဲ့ ကျောင်းသားတွေရဲ့ ပညာရေးလှုပ်ရှားမှုတွေနဲ့ လက်ရှိ နွေဦးတော်လှန်ရေးမှာ စစ်အုပ်စုကို တော်လှန်နေတဲ့ ပညာရေးလှုပ်ရှားမှုအကြောင်း၊ လက်ရှိ ဖော်ဆောင်နေဆဲ ကြားကာလ၊ တော်လှန်ရေးကာလ ပညာရေးစနစ်တွေအကြောင်းကို ကိုဟေမာန်က ဆွေးနွေးထားပါတယ်။