အဓိကာရ လူ့အခွင့်အရေးပေါ့ကတ်ကို ထုတ်လွှင့်လာခဲ့တာ ဒီတပတ်မှာဆိုရင်တော့ အတွဲ ၂၊ အပိုင်း ၁၁ ကို ရောက်ရှိလာခဲ့ပါပြီ။ တပိုင်းနဲ့တပိုင်း မတူညီတဲ့ အကြောင်းအရာတွေကို ဆွေးနွေးလာတာမှာ ဒီတပတ်မှာဆွေးနွေးဖြစ်တာကတော့ ၂၀၂၁ ဖေဖော်ဝါရီလ အာဏာသိမ်းမှုနဲ့အတူ ဖြစ်လာတဲ့ စစ်တပ်ရဲ့ ဒစ်ဂျစ်တယ်အာဏာသိမ်းမှုအကြောင်းပဲ ဖြစ်ပါတယ်။ ဒါအကြောင်းကို ဆွေးနွေးဖို့ ဖိတ်ခေါ်ထားသူကတော့ ဒစ်ဂျစ်တယ်လုံခြုံရေးကျွမ်းကျင်သူ မနန္ဒာပဲ​ဖြစ်ပါတယ်။ ဒီတပတ် အဓိကာရပေါ့ကတ် ဒစ်ဂျစ်တယ်အာဏာသိမ်းမှုဆိုတဲ့ ခေါင်းစဥ်ရဲ့ ပထမပိုင်းမှာတော့ ၂၀၂၁ အာဏာသိမ်းမှုနဲ့အတူ ရှိလာတဲ့ ဒစ်ဂျစ်တယ်အာဏာသိမ်းမှုအကြောင်း၊ အင်တာနက်နဲ့ ဒစ်ဂျစ်တယ်ပလက်ဖောင်းတွေအပေါ် စစ်တပ်ရဲ့ ကန့်သတ်ဖိနှိပ်မှုတွေဟာ စစ်တပ်ရဲ့ လူ့အခွင့်အရေးချိုးဖောက်မှုတွေနဲ့ ဘယ်လိုဆက်စပ်နေသလဲ၊ တော်လှန်ရေးဘက်အခြမ်းမှာဆိုရင်လည်း အင်တာနက်ပလက်ဖောင်းကို အသုံးချပြီး တော်လှန်ရေးဘက်တော်သားတွေနဲ့ Gen Z တွေဟာ ဘယ်လိုမျိုး အကျိုးရှိအောင် လုပ်ဆောင်နေလဲဆိုတဲ့ အကြောင်းအရာတွေကို ဆွေးနွေးထားပါတယ်။