Season 2 Episode 10: ကိုတင့်နှင့် စကားစမြည် (အပိုင်း၁)
အဓိကာရ လူ့အခွင့်အရေးပေါ့ကတ် အတွဲ ၂၊ အပိုင်း ၁၀ ကို ရောက်ရှိလာခဲ့ပါပြီ။ ဒီတပတ်မှာတော့ လူ့အခွင့်အရေးနဲ့အကြောင်းအရာ ခေါင်းစဥ်တခုကို သီးသန့်ဆွေးနွေးတာမျိုးမဟုတ်ဘဲ အပြောင်းအလဲဖြစ်အောင် တော်လှန်ရေးကာလအတွင်းမှာ ကြုံတွေ့ဖြတ်သန်းခဲ့မှုအကြောင်းကို စကားစမြည်အနေနဲ့ ဆွေးနွေးသွားဖို့ ရွေးချယ်ထားပါတယ်။ ဒီတပတ်မှာ ပြောတဲ့ ခေါင်းစဥ်ကတော့ “ကိုတင့်နဲ့ စကားစမြည်”လို့ အမည်ရပြီး တော်လှန်ရေးရေဒီယိုတခုဖြစ်တဲ့ ဖက်ဒရယ်အက်ဖ်အမ် (Federal FM) ရဲ့ တည်ထောင်သူ ကိုတင့်က အဓိကာရနဲ့ ဆွေးနွေးထားပါတယ်။ ကိုတင့်နဲ့စကားစမြည်ရဲ့ ပထမပိုင်းမှာတော့ တော်လှန်ရေးကာလအတွင်းမှာ ဘာကြောင့် ဖက်ဒရယ်အက်ဖ်အမ်ကို တည်ထောင်ခဲ့တာလဲ၊ ဘယ်လို အခက်အခဲတွေ တွေ့ကြုံခဲ့ရလဲ၊ ဖက်ဒရယ်ဆိုတဲ့ အမည်ဟာ ဘယ်လိုဖြစ်တည်လာခဲ့တာလဲ၊ အင်တာနက်နဲ့ ဖုန်းလိုင်းတွေ ဖြတ်ထားတဲ့ တော်လှန်ရေးကာလအတွင်းမှာ ဒစ်ဂျစ်တယ်ပလက်ဖောင်းအပြင် အော့(ဖ်)လိုင်းပလက်ဖောင်းတခုဖြစ်တဲ့ ရေဒီယိုရဲ့ အခန်းကဏ္ဍဟာ ဘယ်လိုရှိလဲ၊ ပြည်သူတွေဟာ ရေဒီယိုတွေကနေ သတင်းအချက်အလက်တွေ နားထောင်နေသေးလား စတဲ့ အကြောင်းအရာတွေကို စကားစမြည်ပြောထားပါတယ်။