Rule of Law ပေါ့ကတ်ရဲ့ ဖမ်းဆီးထိန်းသိမ်းခံရသူ ရပိုင်ခွင့်ဆိုတဲ့ ခေါင်းစဥ်ရဲ့ အပိုင်း ၂ ဖြစ်တဲ့ ဒီတပတ်အပိုင်းမှာတော့ မြန်မာနိုင်ငံရဲ့ တရားဥပဒေစိုးမိုးရေးနဲ့ တရားရေးနယ်ပယ်မှာ အာဏာမသိမ်းမီနဲ့ ၂၀၂၁ အာဏာသိမ်းပြီးနောက်ပိုင်း ဘာတွေ သိသိသာသာကွာခြားသွားလဲ။ အထူးသဖြင့် အရပ်ဘက် တရားရုံးတွေရော စစ်ခုံရုံးတွေကိုပါ အကျဥ်းထောင်တွေအတွင်းကိုထည့်ပြီး အင်မတန် ကျဥ်းကြပ်လာတဲ့ အခြေအနေတွေနဲ့ သိသိသာသာဆိုးရွားလာတဲ့ လာဘ်စားမှု၊ အကျင့်ပျက်ခြစားမှုတွေ ဘယ်လိုဖြစ်ပေါ်နေသလဲ။ ယုံကြည်ချက်ကြောင့် အဖမ်းခံနေရတဲ့ နိုင်ငံရေးအကျဥ်းသားတွေရဲ့ ဥပဒေဆိုင်ရာ ရပိုင်ခွင့် ဘယ်လိုတွေ ဆုံးရှုံးနေလဲ။ နိုင်ငံရေးအကျဥ်းသားတွေရဲ့ ရပိုင်ခွင့်အတွက် အမှုလိုက်ပေးနေတဲ့ ရှေ့နေတွေကိုယ်တိုင်ရော ဘယ်လို ထိပါးနှောက်ယှက်မှု၊ ခြိမ်းခြောက်မှုတွေနဲ့ ရင်ဆိုင်နေကြရလဲဆိုတာတွေကို ဆွေးနွေးထားပါတယ်။